Nanni Svampa - Madonna varda giò

Per el fiolin ch’el moeur visin a la soa mamma
E intant i alter bagaj hinn adree a giogà giò in strada;
E per el passeròtt ferii ch’el borla giò
Che senza ona reson el dev soffrì e crià
Per chi l’è adree a morì de famm, senza parlà
Madònna, varda giò.

Per i fioeu piccaa, el ciocch ch’el torna a cà
Per l’asen ch’el va adree a ciapà domà legnaad
Per quej che hann faa nagòtt e vegnen condannaa
Per i vergin venduu, per quej che i hann compraa
E per tucc quej che gh’hann la mamma e nò el papà
Madònna, varda giò.

Per la vèggia stroncada da on pes sproporzionaa
E per el pòver crist ch’el riesc minga a campà
Perché el po’ nò ‘taccass né a on amor né a on sorris
Per el cavàll ch’el moeur e ch’el sent pù la vos
Schisciaa dal sò carrètt, schisciaa da la soa cros
Madònna, varda giò.

Per i quatter orizzont che hann miss in cros el mond
Per quej ch’hinn torturaa e moeuren de dolor
Per quej ch’hinn senza pèe, per quej ch’hinn senza man
Per i malaa che trèmen, sora on lettin de paja
E per i onest trattaa, compàgn de la marmaja
Madonna, varda giò.

Per la mamma che la ved, el so fiolin guarì
E per el passeròtt, che’l po’ tornà al sò nid
Per i piant che gh’hann set, bagnaa dal temporal
Per on basin perduu, per on amor trovaa
Per el barbon stremii, che’l troeuva el sò cent franch
Madònna, varda giò.